Ramadan-ul-Mubarak
Maah-e-Ramadan ki aamad aamad hai or ye bht hi rehmato’n or barkato’n wala maheena hai. Ye akhirat sanwaarny ka maheena hai, is k liye pehly se tyaari krna zaroori hai. JO bhi zaroori kaam ap k krne k hain unhe Ramadan-ul-Mubarak se phly hi nibtaa lein or Ramadan ka zyada waqt ibaadat mein guzaarein. Namaaz prhein, Quran-e-Pak ki tilaawat krein, taraweeh ka ehtimaam krein or Allah (SWT) se girrgirra k apny liye, waalidain k liye or tamaam musalmaano’n k liye dua maangein. Khaastaur pe Allah (SWT) se is aafat (COVID19) se nija’at ki dua krein.
Ajar-o-sawaab:
Hazrat Salman Farsi (RA) se riwayat hai k mah-e-Shaban kiaakhri taareekh ko Rasool-Allah (SW) ne hmein aik khutba diya or farmaya:
“Aey logo! Tum pr aik azmat or barkat wala maheena saaya figan ho rha hai, is Mubarak maheene mein aik raat (Shab-e-qadar) hazaar maheeno’n se behtr hai. Is maheeney k roze Allah (SWT) ne farz kiye hain or iski raato’n mein Baargah-e-Khudawandi meib kharey hone (taraweeh parhne) ko nafli ibaadat muqarrar kiya isy dusry zamaany k farzo’n k baraabar sawaab mily ga. Jb k is maheeny mein farz ka sawaab dusry zamaany k 70 farzo’n k baraabar hai.”
Maah-e-Ramadan k 3 ashrey hain:
- Rehmat ka
- Maghfirat ka
- Dozakh se nija’at ka.
Kin Cheezo’n se roza makrooh/toot’ta nhi:
- Injection lagwaany se.
- Zaroorat k waqt khoon charhwaany se.
- Kulli krna.
- Apna lua’b nigalna.
- Zaroorat k waqt koi cheez chakhna.
- Nakseer phutna.
- Chot ki waja se jism se khoon nikalna.
- Zehreeli cheez ka dasna.
- Mirgi parna.
- Ehtilaam (Night-fall) hona.
- Bachy ko doodh dena.
- Bhool kr biwi se suhbat krna.
- Bhool kr kuch kha lena.
- Ulti (vomiting).
Roza makrooh ho jata hai:
- Kisi bhi cheez se daant saaf krna.
- Bila zaroorat kisi cheez ko chakh kr thook dena.
- Gheebat krna.
- Kisi jaandar ya be-jaan cheez ko gaali dena.
- Khoon dena.
- Inzaal hone k darr se biwi k sath letna y bos-o-kinar krna.
Roza toot jaata hai:
- Daant se khoon ya peep ka nikal kr halaq mein jaana.
- Naak ya kaan mein koi dawa daalna.
- Khud pr jaan bujh kr ghusal farz krna.
- Jaan bujh kr biwi se suhbat krna.
- Muh bhar kr ulti kr lena.
- Huqah, tambaaku ya koi dusra nasha krna.
- Kacha gosht ya chawal kha lena.
NOTE:
Upr diye gye tamaam masaail darj zail kutb se liye gye hain:
- Ehkaam-e-Ramadan (Mulana Mufti Muhammad shafi)
- Faizan-e-Ramadan (Mulana Illyas Attari)
- Roze k zaroori masaail.
Dua hai k Allah (SWT) hum sb ko Ramadan-UL-Mubarak ka ehtiram krny or Gunah se bachne ki taufeeq ataa kry (Aameen).
Great
ReplyDelete